Aizawl: Meterological Centre Aizawl chuan nimin khan Beraw Tlangah India Meteorological Department (IMD) Foundation Day Vawi 151-na an hmang.
He hun hi Director General of Meteorology, Dr. Mrityunjay Mohapatra leh Deputy Director General, Dr. Sanjay O’Neill Shaw ten telpuiiin Meteorological Centre Aizawl , Director Sudheer Kumar Dwivedi chuan kum 1875 atanga IMD din tan dan leh ram tana an hna thawh ropui tak tak te a tar lang a. Khawchin hrilhlawknate bakah sik leh sa, thlipui leh ruah vanga chhiatrupna thleng thei venna kawnga an hnathawhte tar langin hemi kawnga Mizoram Meteorological Department hmalakna te fakawm a tih thu a sawi.
IMD Foundation Day lawmna hi Ferrando English Medium School napangten tawiawmin zirlaite hi Meteorological Centre hna thawh dan leh khawl changkang hmanga khawchin thlirlawk dan te a takin an entir a. He hunah hian Meterological Centre-a hna thawk tha zual hnenah chawimawina certificate an hlan bawk a ni.