Aizawl: New Delhi-a 28th Conference of Speakers & Presiding Officers of the Commonwealth (CSPOC)-ah Mizoram Assembly Speaker Lalbiakzama leh Deputy Speaker Lalfamkima te an tel.
Central Hall, Samvidhan Sadan, Parliament House Complex, New Delhi-a conference hi Prime Minister Narendra Modi-a’n a hawng a. Lok Sabha Speaker Om Birla kaihhruaina hnuaia hman a ni.
CSPOC hi kum 1969-ah a vawi khat nan neih niin tun tum hi a vawi 28-na a ni ni a, India-in tum li a thlenna a ni.
Conference hmang tur hian Commonwealth ram hrang hrang 53 atangin palai an a kal khawm a, thupui panga – 1) Artificial Intelligence in Parliament: Balancing innovation, Oversight and Adaptation; 2) Social media and its impact on Parliamentarians; 3) Innovative strategies to enhance public undertsanding of Parliament and citizen’s participation beyond voting; 4) Security, Health and wellbeing of Members of Parliament and parliamentary staff leh 5) The Role of Speakers and Presiding Officers in shaping People’s Parliament, fostering effective and meaningful democracy and strengthening public faith in democratic institutions te sawiho tura duan a ni.
Mizoram atang hian Speaker Lalbiakzama leh Deputy Speaker Lalfamkima te bakah Lalthangmawia, Addl. Secretary te chu Mizoram Legislative Assembly aiawhin an tel.