A pasal Rene Angelil thihcham a lo herchhuak leh a, zaithiam Celine Dion pawh a ngawi reng thei bik lo, a pasal a hmangaihzia a rawn aupui leh ta.
Rene Angelil leh Celine Dion te hi kum 1994 khan inneiin, chhungkaw duhawm tak an din a, mahse kum 2016 khan cancer avangin a pasal hian a boralsan a ni.
A pasal thihcham kum 10-na chu January ni 14 khan rawn herchhuakin, IG lamah Celine Dion chuan a ngaihzia leh nitin leh kumtin a hmangaihna a la ngai reng thu a sawi.
A pasal thih atanga kum 10-na nimahse, an chhungkaw tan chuan pa tha ber a la nih reng thu Dion chuan a sawi a, nitin an hmangaihna a la thar reng tia sawiin, kumtin an ngaihzia a la ngai reng niin a sawi bawk.
Zaithiam Dion chuan a pasal chu chakna leh chhelna petu nia sawiin, vawiin a thlen theihna chhan chu a pasal vang a nih thu a sawi a, kum 10 liam ta mahse an kianga awm ang renga a la ngaih thu a sawi bawk a ni.
Dion leh Angelil te hian fapa pathum Rene-Charles,24 leh phir Nelson leh Eddy,15 an nei hman.