Aizawl: Mizo hnam hla leh pi pu zaite a sak vanga hriat hlawh, KC Runremsangi chuan kumin Republic Day lawmnaa India president chenna, Rashtrapati Bhavan, New Delhi-a ‘At Home’ reception (inlawmna) neihna turah tel tura sawmna a dawng.
India Post kaltlangin Rashtrapati Bhavan atangin a bik taka chei leh buatsaih sawmnaah hian hmarchhak biala chengte, pi leh pute atanga an thil rochun, hlu leh mawi tak takte tar lanna dah tel a ni a, President Droupadi Murmu-i sawmna hi Aizawl Head Post Office thawktuten Bawngkawn South-a cheng, KC Runremsangi hnenah Directorate of Art & Culture pisa-ah an hlan a ni.
KC Runremsang hian kum 2023 khan civil mite chawimawina sang, Padma Shri pawh India president hnen atangin a lo dawng tawh.