Aizawl: Kum 2024-2025 chhung khan Mizoramah sawhthing quintal 2,74,173 chin a ni a. December 12, 2025 thleng khan Mizoram sorkarin sawhthing a lei/support price quintal nuai 3.43 a pe.
Mizoram Agricultural Marketing Board (MAMB)-in RTI Act hmanga zawhna a chhan danin, Horticulture Department chhinchhiah dan chuan kum 2024-25 khan Mizoramah sawhthing quintal 2,74,173 chin a ni a. Sorkarin sawhthing a lei/support price a pek zawng zawng chu December 12, 2025 thleng khan quintal nuai 3.43 a ni. Sawhthing lei/support nan a sum a sen tawh zat hi Rs. 138 crore a ni.
Sorkarin sawhthing a lei zawng zawng hi a hralh leh vek tawh a ni a. Sawhthing hralhna atang hian Rs. 12,78,07,290/- hmuh let a ni tawh a. Hetih lai hian, sawhthing lei leh hralh tura agency ruat an awm lo thung.
Sawhthing sawngnawi, khawro leh hralh tlak loh quintal 2,386 paih a ni.
Sawhthing lei leh hralhnaah administrative cost atan Rs. 37,40,445 hman a ni bawk.