Hnampui nge nge hi chu an dan a lo dang deuh a ni. Tun hnai khan kum 47 mi Kutcher hi Entertainment Tonight chuan kawmin, hetah hi a nupui hlui Demi Moore a fak nasa hle.
Kum 2024-a tihchhuah Moore-i channa The Substance chu Kutcher chuan fak phawtin, chang thiam leh a theihna zawng zawng pe chunga chang a nih thu a sawi a, a performance kha a pui a, ka chhuang em em a ni. A that ngaiin amaha amah kha a la tha reng, Kutcher chuan a ti.
Golden Globes 2025 semah Demi Moore hian Critics Choice Awards leh Screen Actors Award dawng bawkin, hei pawh hi a pasal hlui chuan a phu tak zet a, a lawmpui hle niin a sawi bawk.
Moore leh Kutcher te hi kum 2003 khan inngaizawng tanin, kum 2005 khan an innei a, November 2011 khan an inthen thu an puang zui ta thung a ni.
Moore fate pathum Rumer,37; Scout,34 leh Tallulah,31 te chu Kutcher hian enkawlpuiin, an vaiin hian a hmangaih tak zet thu leh an inzawmna pawh a la ngheh reng thu a sawi a, keimaha a tha ber hi an tan englai pawhin hlan ka la bang lo a, ka hmangaihna zungzam hian a la tuam vek hlawm, a ti bawk.
Demi Moore nen an inthen hnu hian Kutcher hi Mila Kunis nen 2012 khan an inngaizawng tan a, kum 2015 khan innei zuiin, tunah hian fa hnih – Wyatt Isabelle,11 leh Dimitri Portwood,9 te an nei a ni.