Aizawl: January 9-a Sihphir Neihbawi-a quarry chimin a delh zinga ruang hmuh loh awm chhun, Samal Chakma ruang chu Pathianni chawhnu dar 2:30 vel khan hmuh a ni a, heti hian quarry chimin a delhte chu hmuh kim a ni ta a ni.
Sihphir Neihbawi-a quarry chim hi chawlhkar khat a tlin tawh avangin, Mizo danah ruang zawn hna chu Zirtawpni zan khan tihtawp a ni a, hetihrual hian ruang hi zawn chhunzawm zel a ni thung.
Quarry chimin a delh Solen Tudu (38), Jharkhand ruang chu Nilaini tlai dar 4:30 khan hmuh a lo ni tawh a, hemi zan vek hian Sihphir thlanmuala vui liam nghal a ni.