Aizawl: Sairang Rel Station-a lirthei dahna man (parking fee) danin a bituk zat peka la tawh lo turin hriattir.
Sairang Rel Station chhunga parking fee khawn dana thil fel tawk lo awm nia lang chungchangah Chief Minister Lalduhoma’n hma la tura a tih angin OSD to CM Jonathan Lalremruata chuan railways thuneitute hnenah thil awm dan a thlen.
Thawhtanni khan Dhrubajyoti Barman, Divisional Commercial Manager/IC/LMG chuan OSD to CM hi lehkha thawnin parking fee chu an bituk aia sanga contractor-in a lo lak ngei thu leh dan a bawhchhiat vanga dan anga action an lak thu a hrilh a. Danin a bituk zat pela parking fee la tawh lo tura hriattir a nih thu leh a bawhchhe leh a nih chuan contract tihtawp thlenga hmalak a nih tur thu an hriattir thu a hrilh a ni.
Railway lamin parking fee bituk rate an neih dan a rawn hrilh bawk.
Parking rate chu a hnuaia mi ang hi a ni:
- Park atanga darkar 2 thlengin: Cycle Rs. 3, Scooter & Bike Rs. 5, Car Rs. 10.
- Darkar 2 atanga darkar 6 thlengin: Cycle Rs. 5, Scooter & Bike Rs. 10, Car Rs 20.
- Darkar 6 atanga darkar 12 thlengin: Cycle Rs. 10, Scooter & Bike Rs. 20, Car Rs 30.
- Darkar 12 atanga darkar 24 thlengin: Cycle Rs. 15, Scooter & Bike Rs. 30, Car Rs 40.
- Darkar 24 aia tam emaw Daily basis: Cycle Rs. 18, Scooter & Bike Rs. 30, Car Rs 40.
- Thlabi charge : Cycle Rs. 300, Scooter & Bike Rs. 600, Car Rs 800.
- Helmet dah man darkar 24 chhungin Rs. 10.