Aizawl: Finance department changtu chief minister Lalduhoma hovin nimin khan CM Conference Hall-ah SNA Sparsh chungchang sawi hovin department thlan bikte an thukhawm.
Thutkhawmah hian sorkar laipui hnuaia hnathawh Single Nodal Agency System for Public Account Routing System for Harmonised transfers (SNA SPARSH) hmanga funding kal dan thar sawifiah a ni a. Sorkar laipui lama scheme kalpui mek hrang hrang 66 zingah Mizorama kalpui theih scheme 40 an awm a. Chung zinga scheme 34 teah SNA SPARSH hi fel taka chettir mek an ni.
Mizoram hi SNA SPARSH kaltlanga sum che vel zawng zawng atanga chhutin, hmarchhak state zingah a che tha ber a ni a. India ramah a ti tha ber 10 zingah a awm mek bawk. Chutih rual chuan, hmabak tlema zawng la awm chu hun tiam chhunga tha taka kalpui a nih chuan hmalak that lawmman SASCI atangin Rs. vbc 350 a hmuh theih a. Thawhlehnia thutkhawmah hnathawh that lawmman dawng thei tura hmalak dan tur an rel a ni.
Thutkhawmah hian EF & CC Minister Lalthansanga, RD Minister Prof Lalnilawma leh Adviser to CM TBC Lalvenchhunga bakah official dangte an tel.