Mizoram mipuiten Ombudsman kan chhawr tangkai lo hle a, hemi chuncgchang hi thuthar thehdartute hnenah Ombudsman a awm mek C. Lalthanmawia chuan a vei thu a sawi chhuak.
Ombudsman hi independent local body niin, kan hriat awlsam dan tur chuan village/local council laka kan lungawilohna neite kan thlenna tur, Mizoram sorkar in Act & Rules felfai tak neia a din a nih avangin hemi lam kawnga kan thanharh pawh hi a ngai hle.
Mizoram sorkar chuan kum 2013 khan Ombudsman hi dinin, din tirh atanga vawiin thlengin lungawi lohna thlen, zualko 76 an awm tawh a, a kum ang zawnga ngaihtuah pawhin kan chhawr tangkai hlawm lo hle tih a hriat.
Mipuite hian dikna chanvo kan nei a, kan VC/LC te laka an lungawi lohna hrang hrangte hi kan namnul ngawt tur a ni lo a, kan aiawha kan harsatna min chinfelsaktu tur leh kan pan tur a awm reng tih hi kan hriat thar fo a tul hle.
Ombudsman hotute sawi danin department pakhat, ngawirenga awm ve tawp a ang ber rih a, kan aiawha awm leh hmalatu department a ni ve tih hriain mipuiten hman tangkai i tum thin ang u.
Kan khawtlangah rorelna dik lo leh felhlel deuh a lo awm a, kan lo hria a nih pawhin a tul angin pan nghal thuai ila, mipuite tan an inhawng reng tih hre chungin Ombudsman hman tangkai i tum fo ang zel ang u.