NEEPCO (North Eastern Electric Power Corporation (NEEPCO) chuan Govt. T. Romana College-a zirlaite mamawh bus thar Thawhlehni khan an hlan.
Bus inhlanna hun hi Govt. T. Romana College-ah neih a ni. NEEPCO a thawktuten College Campus-ah an hlan a, Principal leh thawktuten an dawng.
Inhlanna hunah hian Govt T Romana College Principal Dr Jenifer Lalbiakdiki chuan thu sawiin, NEEPCO Office a officer fel tak takten an dilna ngaipawimawha engkim an buaipui avanga an lawm zia te, MP (Lok Sabha) Richard Vanlalhmangaiha’n theihtawp a chhuah pui avanga an lawm zia te a sawi.
Bus thar hi NEEPCO ten CSR (Corporate Social Responsibility) 2025-2026 atanga Rs nuai 23 man a ni.