Aizawl: January 19 atanga khan Lucknow khawpuiah Uttar Pradesh Legislative Assembly-ah 86th All India Presiding Officers’ Conference leh 62nd Secretaries’ Conference of Legislative Bodies in India, 2026 neih a ni a. Mizoram Legislative Assembly aiawhin Speaker Lalbiakzama leh Deputy Speaker Lalfamkima bakah Lalthangmawia, Additional Secretary te an tel.
He Conference hi Lok Sabha Speaker Om Birla chuan a hawng a. Parliament of India leh State Legislative Assembly hrang hrang atangin Speaker leh Deputy Speaker bakah Parliament leh State Assembly hrang hrang a official te an kalkhawm a ni.
Conference-ah hian thupui pathum – Leveraging Technology for Transparent, Efficient and Citizen-Centric Legislative Processes tih leh, Capacity Building of Legislators to increase efficiency and Strengthen Democratic Governance bakah Accountability of Legislature towards the People-te sawi ho a ni.
Thupui sawihona hian Dy. Speaker Lalfamkima chuan Capacity Building of Legislators to increase efficiency and Strengthen Democratic Governance chungchangah democracy chawinun zelna atana Legislator te intuaihriam zel a pawimawh thu a sawi.
Conference hian January ni 23, 2026 thleng a awh ang.