Aizawl: Minister K. Sapdanga chuan a department chan, Urban Development & Poverty Alleviation (UD&PA) hnathawh dan hrang hrang thlirletna hun, One Day Review Meeting chu nimin khan a neihpui.
Planning & Programme Implementation Conference Hall-a thutkhawmah hian K. Sapdanga chuan thawktute thawhrimna avanga a lawm thu a sawi a, mipui tana taima taka thawk zel turin a fuih a. Duh ang leh beisei anga hna thawh that tawk lohte pawh uluk zawka vil chhunzawm zel turin thawktute a chah.
Review Meeting-ah hian UD&PA Department enkawl office hrang hrang – Directorate of UD&PA, Aizawl Smart City Limited (ASCL), Aizawl Municipal Corporation (AMC) leh Lunglei Municipal Council (LMC)-a hnathawh dan leh hnathawh kal mek awmte bakah, hnathawh mek leh hmabak thawh dan tur te, hnathawh mek laia harsatna awm leh a tha lai awm te thlirho.
Thutkhawmah hian district hrang hranga Deputy Commissioner leh District Urban Development Officer-te video conferencing kaltlangin an tel bawk.