Harry Styles season chu official takin a rawn kir leh ta.
He pop shapeshifter hian a single thar — Aperture — a rawn tichhuak a. Hei hi a studio album palina tur — Kass All the Time. Disco, Occasionally — atanga a hla hmahruai a ni a. A album thar hi March 6 khian tihchhuah a tum a nih kha.
Aperture — hla a tihchhuah hi Harry Style hian May 20, 2022-a a studio album pathumna — Harry’s House — a tihchhuah hnua a hla tihchhuah leh hmasak ber a ni nghe nghe.
Harry Styles hian a single thar — Aperture — a tihchhuah hnu lawk atangin fans lam pawhin an bawr lehpek hle. Thenkhatin a track boruak vel hi singer Lorde hla — Ribs — tihte, Billie Eilish hla — Chihiro — tih angrengte nen a inzul viau niin an sawi zui sak a ni.
Aperture — hla hi a producer Kid Harpoon nena an ziah dun niin, a ni hi Styles nena hun rei tak lo thawk dun tawh a nih bakah, tuna a album thar tur — Kiss All the Time. Disco, Occasionally — atan hian executive producer a ni nghal bawk a. Harpoon phei hi chu — Harry’s House — hlawhtlin theihna tura a kila lung tangkai tak niin, he album hian Grammy Awards pathum a dawn theih phah a, chung zingah Album of the Year huang pawh a tel.
A single thar piah lamah, Styles hian Madison Square Garden-ah zan 30 chhung — Together, Together Tour — nei turin a inbuatsaih a. Chu chu May 16 khian a tan dawn a ni.