Rilru lam thiam leh ziaktu lar ni bawk, John Aiken chuan, Accidentally Single tih lehkhabu-ah chuan hetiang hian inthenna vanga hreh-awmna hrang hrang thawi-dam dan tur sawm a chhawp chhuak.
Kawppui hlui te biakpawh (contact) na tur zawng zawng lak atanga inthiarfihlim. Delete/unfriend hmak tur.
Nitin khawsak phung tihdanglam hret a, fit taka awm hram hram tumna bakah ei leh in lakluh that te, mutui tura rilru leh taksa inpuahchah tum hram hram.
In inkar boruak fel lo leh dik lo chhan hriatthiam tum a, lehlam lehlama harsatna te enfiah thiam.
Hun awl in siam tam loh a tha a, tih tur zawn vat vat ni se.
A hmaa harsatna lo awm tawh hrang hrang a awm nawn tawh lo na tura insiam rem zung zung.
Hmalam pan chat a, thil kal/liam tawh hnuchhawn hmak tumna.
Social media kaltlanga kawppui zawn leh buaipui chiam hi a tha ber lova, inbumna a tam em vangin!
Thiante leh chhungte nena a tam thei ang bera hun hman.
Nuam tihzawng leh hlimawm, entirnan- khualzin, inkhelh, zai adt. kalpui.
A tul dan a zira mithiamte thurawn lak a, thiantha leh chhungte tanpuina dil.