Aizawl: Mizoram Pradesh Congress Committee (MPCC)-in Mizoram mipui thlavang hauhna kawngzawh huaihawt dawn.
January 23, 2026 a MPCC Executive Committee-in an rel tawh angin, Mizoram mipuite thlavang hauhin January 30, 2026 hian kawngzawh an huaihawt dawn a ni.
Congress party chuan Indian Air Force (IAF) hnena dik lo taka Lengpui Airport bul ram hralh duh lohna lantirna te, India ram hmun hrang hranga nasa taka Kristiante tihduhdahna a hluar chho zel duh lohna lantirin a nih dawn bakah, ni za inhlawhna (MGNREGA) nuai bo duh loh lantirin Zirtawpniah hian Chanmari kawn atanga Vanapa Hall thleng kawngzawh huaihawt an tum a ni.
Mizoram mipuite thlavang hauhna kawngzawhah hian Congress Bhavan-a nihna nei zawng zawngte, Block leh Unit-a nihna nei zawng zawngte leh Congress party mi leh sa zawng zawng chu tel turin an inhriattir a ni.