Uefa Champions League league phase chu khelh zawh a ni ta a, eng ramin nge season lehah khelhna chanpual neih belh thei dawn tih pawh a lang chiang tan.
Tun season-a European inelna pathuma che tha ber hnenah European Performance Spots (EPS) pek an ni dawn a. Premier League-a panganain Europa League an khelh thin chu Champions League an khel thei dawn a, tun season-ah pawh Newcastle-in an khel.
Champions League khel tur hmun dang pakhat chan belh tur hian Uefa chuan Champions League, Europa League leh Conference League-a ramte club thawh result-in a hril thin.
Inelna pathuma ram pakhatin coefficient score an neih chu an club thawh zat hmanga sem a ni a, chu chu an point a ni a. A sang pahnihin Champions League-ah club an thawh belh thei thin.
Vawi khat chakin coefficient point hnih hmuin an hnehtawkin pakhat an hmu thin thung.
Inelnaa league phase leh knockout round-a an dinhmun azirin bonus point hmuh theih dan a awm leh bawk a, hetah hian Champions League-a khelte point hmuh theih a tam hret thin bawk.
Champions League-ah hian league phase-a 25-na leh 36-na inkara awmte chu inelna atangin tla mah se bonus point ruk an hmu a. Conference League-a a sang bera awm chuan bonus point li chauh an hmu thung a, tunah hian Strasbourg an ni a. Champions League-a khelh hi a pawimawh hle tihna a ni.
Tunah hian Champions League bik hi league phase khelh zawh a nih tak avagin bonus point an hlawh chhuah pawh a hriat theih ta a ni.
England chu European inlana pathuma team kua an thawhte la dam vek an ni a. Champions League atangin bonus point 72.50 an hlawh chhuak bawk a, an dinhmun a tha rih hle.
Hetih rual hian England hian 2023-24 khan EPS an nei dawn emaw tih hnuah quarter-finals-ah an che chhe zui ta vek a, mi dangin an pawt thla leh.
English club pangain Champions League round of 16 lut vek se a dang thei a. An elpui league-a miten knockout play-off round-ah team an la nei a, vawi hnih khelhah point hmuh belh theihna an la nei bawk.
Germany atangin Eintracht Frankfurt chiah an la tla a, Bundesliga hi England bakah EPS chang thei dinhmuna ding an nei mek.
Bayer Leverkusen leh Borussia Dortmund ten play-off an khel dawn a, coefficient point hlawh chhuah belh thei an la ni bawk.
Europe-ah team riat thawhtu Spain tan Champions League chanpual pakhat neih belh turin tan a ngai he a. Villarreal an tla a, Athletic Club an tla leh bawk si a, an dinhmun a tha viau lo.
Hetih rual hian inelna pathumah team ruk an la nei a, an tan vawi khat chak hi pahnihnaa awm mek, Germany aiin a hlu lehzual dawn bik a ni.
Serie A atanga inlanten season an tan ropui lutuk lo va; mahse, a hnu lamah an che tha zui a, Champions League atangin Napoli tla zui mah se an dinhmun a chhe lutuk lo.
Atalanta, Inter Milan leh Juventus ten Champions League knockout play-off khelh an hmabak a, hetah hian point hmuh belh theihna remchang an nei thei dawn a ni.
Portugal tan Conference League qualifying round-a Santa Clara an tlak hnuah khan ranking-a a sang pahniha tel theihna dinhmun hi a awm tawh lo anga ngaih a ni.
Hetih rual hian team li la dam an nei a, an thlen thui dan azirin beisei tlem an la nei thei a. Benfica-in February-a play-off atangin coefficient point hlawh chhuah theihna remchang an la nei bawk.
Beisei loh takin Poland an che tha bawk a, rei vak lo chu a sang pahnihah an tel hman a; mahse, a tak taka puitlin tur chuan a harsa dawn tho.
Team li an thawhten Conference League vek an khel a, bonus point hmuh theihna an nei tlem.