Manchester United winger Patrick Dorgu chu Arsenal nen an inkhelh tuma a malpui a tih hliam vangin chawlhkar 10 chhung a chawl dawn.
Michael Carrick-a’n manager hna a chelh hnuah Dorgu a che tha a, Manchester City leh Arsenal lakah goal a khung ve ve avangin United tan chânna lian tak a ni.
Red Devils hian an inkhelh hnuhnung pahnihah Gunners leh City an hneh avangin Premier League-ah khelh 23 atangin point 38 an hmu a, palina an ni a. 3-2-a Gunners an hneh tum khan minute 50-naah Dorgu hian goal a khung a, hliam vangin minute 81-naah Benjamin Sesko-a’n a thlak.
Denmark international Dorgu dinhmun hi la enchian leh tur a nih avangin a chawlh hun tur hi a la chiang lo a, chutihrualin kar 10 tal chawl tura ngaih a ni.