Aizawl District Football Association (ADFA) buatsaih tur, LESDE Inter Village/Local Council Football Tournament 2026 chu April, 2026-ah khelh tan tura ruahman a ni. Aizawl district huamchhunga VC/LC te he tournament-a lo tel theuh turin an sawm.
Hriat tur pawimawh:
1) Aizawl district chhunga VC/LC khat atangin team khat zel chhuah theih a ni ang a, Aizawl district chhunga veng/khua tel lo atangin player pathum lak theih (re-inforce) a ni ang a, playing XI-ah pahnih chhawr theih a ni ang.
2) Player chu mahni vote thlakna khua/vengah ngeiah khelh tur a ni. Player lak (re-inforce)-te chuan voters’ ID an nei ngei ngei tur a ni (Aizawl district chhunga mi chauh re-inforce phal a ni). Voters’ ID endikna atan hian kum 2025 VC/LC Electoral Roll hman a ni ang.
3) Kum la tling lo (voters’ ID la nei pha lo)-te chu digital birth certicate hmangin an kum endik a ni ang a, an awmna khua/veng tichiang turin ration card en a ni bawk ang. Heng document pahnih atanga pawm theihte chauhin an khel thei ang.
4) Team khatah player 20 (re inforce telin) leh team official panga ziah luh theih a ni ang.
5) Entry fee hi team khat tan Rs 2,000 a ni ang a, entry Fee pekna leh pek theih hun chhung inhriattir leh a ni ang.
6) Match ball-ah ‘Nivia Dominator’ hman tur a ni.
7) Ticket share system hman a ni dawn a, first round atangin team-te leh organiser lamin ticket atanga sum hmuh an insem ang. Semi final atanga final erawh lawmman team tan ruahman annih avangin organiser lamin an chang thung ang.