Synod Social Front leh Mizoram Architects Forum (MAF) tangkawpin an buatsaih Residential Construction Supervisor Training hlanna hun Thawhtanni zan khan hman a ni.
Training hi Synod Multipurpose Training Centre (SMTC), Mission Vengthlangaah neih a ni a, February 27, 2026 thleng a awh ang.
Training hlanna hun hi Upa C. Lalduhawma, Synod Secretary (Jr.)-in a kaihruai a, Frederick Malzawmzuala, President, MAF-in training chungchang sawi hawngin Rev. Dr. K. Lallawmzuala, Executive Secretary i/c Social Front-in thuchah sawiin training hi a Pathian hnenah a hlan a ni.
Synod Social Front hian eizawnna mumal nei loten eizawnna an neih theih nan kut themthiamna training hrang hrang, aluminium mistiri, plumbing leh cement mistiri training te a lo buatsaih thin a ni. Construction supervisor training hi a tum khatna a ni.