Lemchan thiam Jessica Biel chuan a pasal Justin Timberlake kum 45-na an lawmna thlalak hrang hrang a rawn phochhuak nasa hle.
January ni 31 kha Justin kum 45-na niin, an lawmna hrang hrang a hnu ni rei loteah Biel hian rawn tarlangin, a hmangaih thu a post tel bawk.
Kum 43 mi Jessica Biel hian, “Ka hmangaih che, kum 45 duhawm kan thleng leh ta,” tiin a pasal Justin thlalak hrang hrang post karah a ziak tel a, midangte pawhin an lawmpui ve ngei a beisei thu a sawi.
Timberlake pawh hian a social media lamah a piancham hmanna hrang hrang tarlangin, a thuziak thenkhatah chuan, “Hriselna tha tak ka la nei zel a, Lyme natna ka vei tih hmuhchhuah a ni chungin, ka rilru a nat phah lo a, ka lo hmachhawn tawh harsatna hrang hrangte avanga intichak chung zelin tun hun hi ka thleng thei a, harsatnate hi keimahni ngeiin kan hneh thei a ni,” a ti ve bawk.
Justin leh Biel te engkimah an inthlawp tawn tha hle a, tour hahthlak tak tak nei tawh rih lovin, a hriselna lam a ngai pawimawh hle a, a nupui hian engkimah a thlawp tha thin hle niin sawi a ni.
Biel leh Justin Timberlake te hi kum 2012 khan Italy khawthlang lamah inneiin, tunah hian fapa pahnih Silas,10 leh Phineas,5 te an nei mek a ni.