Thawhtanni zan khan English football-a thlasik bazar hun chu a tawp ta a, Premier League champion Liverpool chuan Jeremy Jacquet a la lut.
Kum 20 mi defender hian tun thlasik bazarah hian Reds hi a zawm nghal dawn lo thung a, a khelh mekna, Rennes-ah khel chhunzawm leh phawtin nipuiah Merseyside club hi a zawm ve leh dawn chauh a ni.
France Under-21 international hian Anfield-ah kum nga leh a chanve atan contract a ziak a, kum 2031 nipui thleng Anfield-ah chamin kum khat dang pawhsei theih dan a tel bawk ang.
Reds hian Jacquet-a manah hian £ maktaduai 55 an pe phawt a, a khelh that dan azirin £ maktaduai nga pek belh leh tur a ni.
Hetihlai hian Reds centre back Ibrahima Konate contract chu nipuiah a zo tawh dawn a, season tan dawna an lakluh tep, Marc Guehi chuan tun thlasikah hian Manchester City a zawmsan bawk si a, tlarhnunga ding tur inlei belh hi an ngai a ni.