Aizawl: New Delhi-a National Defence College-a officer 17 chuan nimin khan Serchhip an tlawh a. Serchhip DC Paul L Khuma hoin DC Pisapui Hall-ah Serchhip District-a official te leh tlawmngai pawl hruaitute nen an inkawm.
An inkawmnaah hian Serchhip district dinhmun tlangpui te, sorkar hmalakna te, tourism lam hawi te, agriculture leh horticulture kaihhnawih hmalakna te, rural development lama hmalakna te, zirna dinhmun te, police leh dan leh thupek kengkawhtute hmalakna te bakah thil pawimawh dang te powerpoint hmanga hrilh fiah leh entir an nih hnuin sawihona hun leh zawhna leh chhan hunte hman a ni.
An inkawm zawh hian National Defence College team chu Serchhip-a Zawlpui Zauah thlai leh chawhmeh thar kawnga Serchhip mipuite leh sorkar hmalaknate an fanpui a ni.
66th National Defence College course for Understanding India Study Tour (UIST) nei mek, Serchhip tlawhtute zingah hian India ram hmun hrang hrang atanga officer te bakah Germany, Maldives, Morocco, Russia leh Nepal atang te in an rawn kal a ni.