Season sarih chhung a kalpui hnuah zaithiam Kelly Clarkson chuan a show buatsaih ‘The Kelly Clarkson Show’ chu tihtawp zai a rel ve dawn ta.
Hemi chungchang hi thuchhuah siamin Kelly chuan, “Season sarih chhung zet ka kalpui thei kha ka lawm a, vannei ka inti a, hun hlimawm leh nuam tak tak a ni hlawm. Los Angeles leh New York lamah show kan kalpui theite kha ka kumkhaw sawi a tling tawh ang,” a ti.
“Mi thlawptu mipui zawng zawngte chungah ka lawm a, NBC nena kan thawk dun theite kha ka lawm hle. Tunah chuan titawp lo thei lo ka ni tawh a ni,” a ti bawk.
Clarkson hian a fate tana a hun pum hman a duh tawh avangin a show hi a tihtawp thu a puang a, a fate chu a dah pawimawh hmasak ber an ngaih thu sawiin, an nunkawng siamsak hi ka ko a tla liau liau a ni, a ti.
Kum 2019 atanga tihchhuah The Kelly Clarkson Show hi titawp mahse Clarkson chuan music lam erawh a chawlhsan dawn loh thu a sawi thung a, tunah hian a fanu River Rose,11 leh a fapa Remington Alexander,9 te a enkawl mek a ni.