Aizawl: Chief Minister hova Empowered Committee on Investment thukhawmin, Mumbai FC Tech Energy-in plastic atanga fuel cell leh sustatinable energy siamna hmunpui Mizorama din a dilna a thuphungin a pawm.
Ningani khan Chief Minister Office Conference Hall-ah Empowered Committee on Investment an thukhawm a, Mumbai-a inbun FC Tech Energy-in plastic waste atanga fuel cell leh sustainable energy an siam dan an sawi fiah hnuah Mizoramah hmunpui din an duh thu thlenin, ram an mamawh tur ang te, tui an mamawh zat tur leh kawlphetha an mamawh zat tur te an sawi nghal.
Empowered Committee on Investment thukhawm hian a thuphungin FC Tech Energy dilna hi pawmsak phawt ni se an ti a. Mumbai-a an Plant tlawh a, zirchian ni se, an ram mamawh zat pek theihna tur laite an sawiho nghal bawk.
He thutkhawmnah hian Opickpure Private Limited-in Khuanglenga sawhthing sawngbawlna tur, ginger processing unit an sak mek report ngaihthlak a ni a. Opickpure nen hian Mizoram sorkar chuan September 20, 2025-ah inremna an lo ziak tawh a, Opickpure Private Limited hian Rs vbc 2.50 sengin sawhthing sawngbawlna hi sa mekin, an zo tep tawh a, sorkar chuan investment & industrial policy angin an mamawh thenkhat a siamsak ve mek a. Sorkar hmalakna pawh hi a zo thawkhat tawh a ni.