Mizoram First hruaitute sawidanin, tunhnaiah hnamdang, a bikin vai kan tihte dawr a pung nasa hle a, enfiah that a tul hle.
Sumdawnna kawngah hian an vak zau a, an teirei peih a, risk pawh an la sang duh fu. Mizote aia man tlawm zawka bungraw zawrh an hreh lo a, an sum hmuh leh che velte erawh anmahni ram lamah a luang thung.
Hei ringawt pawh hi vai dawr him lohna a ni. A ho viau angin lang mahse, kan ram leh hnam hmakhaw hun hi kan vei a ngai khawp mai. Kan tlawmngai pawl leh pawl dang dangte pawh hian vei tlang ila, mipui lam pawhin kan thlawp that a tul viau.
Kan state thenawmte hi en ila, ram leilung fate nun chep tawhziate hi i thlir ang u. Sumdawnna leh kawng hrang hrangah nekchhuah an ni a, an ram ngeiah chimral an ni telh telh hlawm a, kan fimkhur loh leh kan fir loh chuan hei hi kan tawng ve thei reng tih kan hriat pawh a tul hle.
Hnamdang sumdawngte hi enfiah ila, ram leh hnam chungchangah hian fir ila, sawi sel pawh hlawh dawn ila kan hmakhaw hun atan a tha tih hre chungin i huaisen ngam ang u.
Khawpui chhung veng tin leh khawtin hian hnamdang sumdawng lakah dan khauh tak nei ila, ram leilung fate ngei dinhmun thatna tur hi i ngaihtuah zel bawk teh ang u. Chu chu nakin thlenga kan ram nawm lehzualna tur a ni.