Aizawl: Adviser to Chief Minister Lalmuanpuia Punte, MLA chuan a pisa-ah nimin khan Mizo zinga naupang lam doctor Super specialist hmasa ber a lawmpuina thingpui a inpui.
Dr. F. Remthangpuii, d/o F. Lalchawimawia, East Lungdar khua, Mizo zingah naupang lam doctor Super Specialist (pediatrician) hmasa ber chu Lalmuanpuia Punte, MLA & Adviser to CM (Political) chuan a bial chhung mi nihna anga lawmna thingpui inpui pahin a pisa-ah a kawm.
Lalmuanpuia Punte chuan doctor-ah pawh super specialist hi an nei tam lo hle a. Dr. F. Remthangpuii, naupang lam Super Specialist (pediatrician) pangngai an nei chu, a bial chhung mi ngei, East Lungdar nula a lo ni leh zel nen lawmawm a tih thu a sawi.
Naupang lam doctor Super Specialist tan post awmsa an nei mai lo chungin, mipuiin a tangkai thei ang bera an chhawr theih nan Health Minister bulah pawh a chanchin a hrilh tur thu sawiin Lalmuanpuia Punte chuan, “Mipuiin a thiamna an chhawr tangkai theihna turin theihtawp ka lo chhuah dawn a ni,” a ti.
Dr. F. Remthangpuii hian Dr.NB/Super Specialist in Pediatric Critical Care, Artemis Hospital, Gurgaon atangin a zirchhuak a ni.