Aizawl: All Mizoram Village Council Association-in 15th Finance Commission kaltlanga VC-ten khawtlang hmasawnna hna chak taka an thawh theihna tura Chief Minister Lalduhoma’n hma a lakpui avangin lawmthu an hrilh.
AMVCA hian an president, FP Laikhama hovin chief minister hi a pisaah an kawm a, VC-ten 15th Finance Commission kaltlanga khawtlang hmasawnna hna an thawh theihna tura finance changtu chief minister-in a bawhzuisak thin chu lawmawm an tih thu leh hemi avang hian Mizorama VC zawng zawngin khawtlang hmasawnna tur pawisa tam tak an hmuh phah chu lawmawm an tih thu an hrilh.
Chief minister kaihhruai Mizoram sorkarin VC-te a ngaisak thinnaah lawmthu an sawi rualin, lawmman tihsan ngenna an lo thlen tawh te, Aizawla Village Council khualbuk neih chungchang leh All Mizoram VC Conference neih chungchang an thlen sawipui nghal a, an thil thlen chu tihhlawhtlinsak ngei turin an ngen nghal a ni.