- Katrina Kaif:
Indo-Canadian thlah niin, a vun hi vai vun nen chuan a inang lo. Anglo-Saxon vunrawng a pianpui tlat mai! A vun mawi leh mam tak mai chawm nung tur hian ‘Apricot oil’ a hmang. Bazar-ah lei tur a awm a rinawm a, mahnia ngaihven mai a tha ang.
Tip: Vun no sar tur leh nung sar nei tur chuan ‘protein’ hi a pawimawh em em a, sa atangin emaw be lam chi atang pawhin neih theih a ni. Ei leh in-ah protein a tel tha tawk tur a ni a, rihna tihhniam duh vang maia ei leh in tha tak tak eitlem hi a tha ber lo.
- Aishwarya Rai:
Amah hrechiang em em tute chuan, ‘Ash hi tui khur a ni’ an ti tawp. Nitin tui no riat a in ngei ngei thin a, a vun mawina atan fanghma hmang thinin moisturiser atan erawh bawnghnute a hmang thung.
Tip: Tui taka muthilh hi vun tihen phat phatna atan a tha ber. A tlem berah darkar 7 tal mut nan hman tur a ni a, mut tlem chuan- sawi tam ngai lovin vun-ah a lang nghal thin. Mut lai hian vun hian O xygen a sem darh thin a, chu taka chu a pawimawh riau. Thawh hun leh mut hun mumal lo chungin make-up tha tha hmag duh suh, awmzia a nei lo.
- Kareena Kapoor:
Bollywood star lar ber te zinga mi- Kareena Kapoor ve thung hi le. A vannei tih mai loh chu sawi tur vak a awm lo. ‘Kapoor family’ atanga lo invawrh chhuak a ni miau a, ani hian ‘exer’ lak a taima hle a, tin ‘chocolate’ hi a khât tawkin a ei thin a, hetah hian ‘antioxidant’ chak tak a awm avangin tarharna a pai tel tlat mai a, a that pui hle.
Tip: ‘Facial’ tha ber leh man nei lo awmchhun ni bawk chu ‘taksa insawizawi’ hi a ni e. ‘Exer’ hian taksaah thisen a tikal tha a, chu chuan hmaiah pawh danglamna thlenin- a rawn par chhuah pui lo chauh thin a ni! Tin, exer hian taksaa thil tha lo tam tak paih chhuakin hmaibawl (arngeng) insiam tur pawh a veng thei.