Aizawl: Handholding hnuaia PMEGP loan la mi 82-ten Zemabawka Multi Disciplinary Training Centre Hall-ah ni 10 awh tur Entrepreneurship Development Programme (EDP) training nimin khan an tan.
He training hawnna hi Hnamhlunchhunga, Principal, MDTC-in kaihruaiin loan la turten tan training neih hmasak a pawimawhzia sawiin, mahnia eizawnna bul tan turte chu loan hi tangkai taka hmang turin a chah a. Mi dang kuta innghat loa mahni kea din tum tlatte tan leh tih tak zeta bei mi mi tam takin PMEGP loan hi an lo hlawhtlinpui tawh thu a sawi a. Chutianga hlawhtlinna chang tur chuan he training hi a pawimawh tih a sawi.
Training-ah hian mi 82 an kal a ni.