Rilru lam thiam doctor te chuan social media-a thûk taka inrawlh leh khawih loa awm thei lo te hian, ‘Facebook kaihhnawih rilru hahna’ an nei ngei, tih an finfiah thei tawh.
Mihring Billion 2.8 chuang awmna Facebook-ah hian thian tha leh chhungkua anga hmaichhana inhmuhna a tihtlem hret hret avang hian rahtha lo a chhuah mek.
Thian ni tura va ngen (request)-na lo hnawl sak te hian mahnia inthiam lohna leh insitna bakah, rilru nawmlohna a thlen thuai thin a, tun dinhmunah chuan Facebook hmangtu sawm zela pakhatte hian chi-aina leh buairukna lian tak an nei deuh vek tih a biak sen loh leh kawm sen lo thian an neih mek laiin, thenkhatte erawh chuan thian tih-tham an nei lova, thian nei ngah deuhte thikna leh awhna an lo nei ve mek bawk.
Mithiam Katy Charles chuan, “Contacts nei ngah leh, helai hmuna an hun tam zawk hmangtute hi hmang ‘regu’ vak lem lo te aiin rilruhahna leh tawt ut utna an nei duh zawk a, neih theihna ‘chance’ pawh an ngah zawk,” a ti.
Facebook mai ni lo, social media platform thenkhat- entirnan: Whatsapp, Telegram leh thil dang buaipuitute zingah pawh rilru hahna leh kim lo riaua inhria an pung zel.
A lova an awm thei lo leh a tel lova hrehawm hle a hriatna a nasat avangin mahnia inawm tlei an pung a, midang mamawh lohna tipungin, nghawng tha lo a thlen.