Aizawl: Synod-in thla 10 chhungin damlo mi 223-te inenkawlna Rs.29,60,483 a peksak.
Tun hnaia Synod Hospital Board meeting vawi 153-na, J.M Lloyd Hall, Synod Office-ah neih chu Synod Moderator Rev. John Raldosanga’n a kaihruai a, Dr. R.L Sanghluna, Secretary-in report a pe.
Report-ah hian Hospital Chaplain thar dah ngheh a nih thu te, thawktute inhlan tharna neih a nih thu te, doctor zirna sang zawk zir leh tur leh training-a kal an awm thu te, M.Sc. Nursing pass thar an awm thu te, Prime Vendor Service kalpui tura MoA sign a nih thu te, April 2025 – January 2026 chhunga damlo awm man pe thei lo leh pek tlak tur nei lo mi 223 te tana charity peksak zat Rs. 29,60,483 a nih thu leh, January 2026 chhunga thilpek hrang hrang an dawn thu te leh MUHCS kalpui hnua damdawi in dinhmun te tar lan a ni.
Thutkhawmah hian thurel tura chhawpchhuah 12 a awm a, chung zingah chuan Vice Principal ruat chungchang te, Senior Sister post ruak hnawh khah chungchang te, Synod Hospital Building thar sak tur chungchang te chu a langsar zual te an ni.