Kum 33 mi ‘Fast’ singer chuan a IG stories lamah a tour neih tur thenkhat cancel a ngaih thu a rawn sawichhuak thut a, pawi a tih thu a sawi tel bawk.
Lovato hian amah ngainatute ngaihdamna dil nghalin, a hriselna dinhmun thlir chunga thutlukna harsa tak siam ta a nih thu a sawi a ni.
‘Kumin chhunga stage-a ka rawn lang leh tur hi ka lawm a, ka phur tawh a, inbuatsaihna pawh ka theihtawpin ka nei zel bawk. Mahse, mihring ve mai ka ni a, ka hriselna dinhmun thlir tel ka ngaih ve avangin he thutlukna hi ka siam a ngai ta a ni. Fans ten min ngaihdam ka beisei,’ a ti.
Demi Lovato hian April 8-a Charlotte, NC bakah, April 12-a Atalanta, April 14-a Nashville, May 5-a Denver leh May 8-a Las Vegas show neih a tumte chu a thulh tur thu a sawi a, pawi a tih tak zet thu a sawi a ni. Hei bakah hian April 10-a Orlando a show a neih tur chu April 13-ah a sawn hla bawk.
Nikum October thla khan a tour inbuatsaihna hmahruai atan a album thar ber It’s Not That Deep chu a lo tichhuak tawh a ni.