School Education minister hova department officer ho thukhawmin, school education department hnuaia zirtirtu awm mek zingah certificate leh marksheet felfai lo nei an awm nia sawi a ni a, chhui a, a tul anga action lak an tum thu hriat a ni.
Thiamna a sang tawh a, thangthar lehkhathiam leh felfai tak tak, hna nei lo an tam em em tawh laia document nei kim lo, chhui ngai an la awm hi a mak a, thiamna pawchhuaktu ber department hi belhchian a tul tak zet.
Minister in ngaipawimawha a officer hote nena hmalak a tum pawh hi a lawmawm a, huaisen takin hnathawk se la, a tul angin hma la mial mial ngam bawk teh se.
Tun hma atangin education department hian sawi leh sel an lo hlawh zeuh zeuh tawh thin a, thiamna pawchhuaktu department ber nisi hi an lo felfai lo viau emawni chu aw, a tih theih. Tunah erawh minister hoa chetlak ngei tumin hmalak an tum thawm hriat a ni ta a, a lawmawmin, huaisen takin che mawlh bawk teh se.
Nakin zelah department belhchian dawl lo an ni telh telh ang tih a hlauhawm avangin tun atanga hmalak hi a tul reng a, huaisen takin kal se la, thangthar lehkhathiam leh fit zawk, a tling chial balte ngei an thawh zel theih nan chet lak zel ni bawk teh se.