Aizawl: Serchhip district-a tlawmngai pawl hrang hrang pangate telna, NGO Coordination Committee (NGOCC) chuan central sorkarin India leh Myanmar ramri hung a tumna an thlawp.
Serchhip District NGOCC hi Zirtawpni khan Sub-Hqrs. YMA Hall, Serchhipah thukhawmin ramri hung tum hi an sawiho a. Ramri hi Mizorama ruihhlo luhna a nih avangin kan ram leh hnam hma lam hun ngaihtuahin sorkarin hung a tum chu an thlawp thu leh hung ngei se an tih thu an sawi a ni.