Bucket-a tuilum dah that reng i duh chuan Newspaper hlui thuah hnih/thum emaw in chhin phui tlat rawh.
Glass no pahnih alo inthuah beh tlat chuan a chhung zawk no chhungah khan tui vawt thun la, a pawn lam no chu tui lumah chiah ang che.
I bakcheh hmanlai kha a hriam vara awm reng tir theih nan sand paper (lehkhathap) chep thin ang che.
Bel, dekchi etc chhuan balh leh ung khuk tawh te chu chi nen nawt thin la, a fai tha duh hle.
Fridge kawngkhar sira rubber invuah kual zei zeiah khan Talcum powder hnawih/ theh thret thret la, a dum val kual thin chu a reh bakah a phui tha sawt ang.
Bottle chhung fai lo tih fai nan Alu chhum hmin khehna thun luh a , thin vak tur.
Flask (tui lum vawn thatna) hi hman loh reia a awm chuan a rimchhe ve thei a, vinegar no chanve thun la darkar chanve hnu ah tui thianghlimin tleuh leh ang che.
Cooker chhung dum thin hi a awm loh nan tengtere tui tlem emaw lemon tui tlem emaw telh ang che.
Atta hrik a, a hraw lam paih mai tur hi bel mawm silfaina nan a tha khawp mai. Hmang ve chhin teh. Mak i ti khawp ang.
Renchem thil thu ah insukna sahbawn bang nawi paih mai tur hi dahkhawm la puan pan te in funkhawm la thleng sil nan a hman zel theih e.
Burchhin hawn harsa tak hi a letling zawngin a chhin lam chu tuisa ah chiah la, nghet taka i vawn theih nan pawnchhe nem huh emaw rubber glove bun la awlsam takin i hawng thei ang.
Fridge chhung rimtui lo tih reh nan meihawl dip dah a tha.
Fridge-a balhla dah hi a kawr a duk hma hle nachungin a chhung tak erawh a tha rei tho.
Thil keh awlsam hi chawhtawlh ah i sil chuan a mawngah towel phah la tihpalh leh keh lakah a him bik.
Tui herhna (tap) phuilo hi a intialna laiah khan petroleum jelly tat rawh.
Bel chhung bal dum uk khuk ah hian tomato emaw sunhlu emaw chhuang la a fai a ti zia awm thei.
Bel nawh tlet nan thingzai nawi, favai leh thingpuife hman hnu hi a tha ve tlat.
Mombati hi fridge ah dah thin la, a tlo bik a nia.
Kawngkhar kawpza ri bengchheng ah hian pencil laimu (lead) hi tat thin rawh.
No keh thei chi a thingpui sulhnu ung deuh thin hi i sil hma in chi-in nawt hmasa ang che.