Thiamna a sang zel a, awihawm deuh deuha phone call hmanga inbumna thawm sawi tur a awm leh thin. Social media hmanga inbumna a lar hle bawk. Kan hriat loh karin misualte bumin kan awm reng thei tih kan hriat a, kan bank details phei chu hrilh loh fo zel pawh a him mai. An awihawm poh leh rin loh hi a la him ber zel tih i hre thar bawk ang u.
Changkanna kan tihte pawh hi kan hman thiam loh chuan inbumna chang thei vek a ni tih kan hriat thar ve fo hi a tul tawh a, mitinin mobile phone kan nei fur a, network banking te pawh hi kan ti tlangpui hlawm bawk. Hriatchian loh laka kan fimkhur a, kan inven thiam zel hi kan himna hmahruai chu a ni zel ta bawk. Chuvang chuan, heng inbumnate hi a pun lun zel loh nan mitin fimkhur ila, social media hman i thiam mawlh teh ang u. Kan fimkhurna hi keimahni tan bawk a ni.
Inbumna thenkhat awm leh thin hi mimal thiam loh leh fimkhur tawk loh vang a ni tlangpui ngei ang a, harhchhuah phah nan i hmang mawlh bawk teh ang u.