Indian Super League (ISL) 2026 chu Inrinni atang khan khelh tan a ni ta a, tun season-ah hian Mizo player 41 an inlan ang.
All India Football Federation (AIFF) leh Football Sports Development Limited (FSDL) te chu Master Rights Agreement chungchanga an inrem theih loh avangin hun rei tak chhung chu ISL khelh a nih dawn leh dawn loh a chiang thei lo a. Sorkar laipuiin hma an la a, Inrinni atanga khelh tan turin ruahmanna an siam thei ta hram a ni.
ISL 2026-ah hian kalphung thlak danglam a awm nual bakah sum pawh a tlem sawt hle a. Tun season chhungin inkhel 91 a awm dawn a, team tinte chuan vawi 13 theuh an khel dawn a, playoff pawh a awm lo ang.
Nikum khan team tinin vawi 24 theuh an khel a, final lutte phei chuan match 28 an khel a ni.
Inkhel vawi khat hlutna pawh a tlahniam hle a, a hmaa Rs. vaibelchhe 1.69 ni thin kha tun season-ah chuan Rs. nuai 9.5 chauh a ni tawh dawn a ni.
FanCode chuan stream phalna chu Rs. vaibelchhe 8.62-in an lei a, Kaleidoscope Services-in inkhel en theiha tihchhuah an buaipui ang.
Lawmman pawh a tlahniam nasa viau a, a hmaa lawmman dawn theih zawng zawng belh khawm kha Rs. vaibelchhe 15.5 a ni a, tunah erawh Rs. vaibelchhe 5 chauh a ni tawh dawn a. Shield latute chuan Rs. vaibelchhe 3.5 an dawng ang a, pahnihnain Rs. vaibelchhe 1.5 an dawng ve dawn a ni.
Club hrang hrangin an player-te hlawh an tihniam hlawm a, FC Goa leh Bengaluru FC chu player hlawh tihniamtu langsar zual an ni.
Tun season-ah hian team 13 – Bengaluru FC, Chennaiyin FC, SC Delhi, East Bengal FC, FC Goa, Inter Kashi FC, Jamshedpur FC, Kerala Blasters FC, Mohammedan SC, Mohun Bagan Super Giant, Mumbai City FC, NorthEast United FC, Odisha FC leh Punjab FC te an tel a ni.
2026 ISL club hrang hrangah hian Mizo player an awm ve nual a, Mizo tel hi hriat theih chinah an zavaiin 41 an ni.
Mizo player-ah hian goalkeeper pakhat awmin defender 11 an awm a, midfielder 17 leh forward 12 an ni.
Kerala Blasters
Freddy Lallawmawma, Midfielder
Lalthanmawia Renthlei, Forward
Mohun Bagan Super Giant
Lalengmawia Ralte, Midfielder
Mohammedan SC
Zodingliana Ralte, Defender
Joe Zoherliana, Defender
Joseph Lalmuanawma, Defender
Vanlalzuidika, Defender
Jeremy Laldinpuia, Midfielder
Lalro Thlanga, Midfielder
Lalngaihsaka, Midfielder
Rochharzela, Forward
Lalremsanga Fanai, Forward
Lalthankima, Forward
Bengaluru FC
Lalthuammawia Ralte, Goalkeeper
Lalremtluanga Fanai, Midfielder
FC Goa
Jerry Lalrinzuala, Defender
Daniel Lalhlimpuia, Forward
East Bengal
Lalchungnunga, Defender
Ramsanga, Midfielder
Edmund Lalrindika, Forward
David Lalhlansanga, Forward
Jerry Mawihmingthanga, Forward
Chennaiyin FC
PC Laldinpuia, Defender
Laldinliana Renthlei, Defender
Lalrinliana Hnamte, Midfielder
SC Delhi
Ramhlunchhunga, Midfielder
Isaac Vanmalsawma, Midfielder
Augustine Lalrochana, Forward
Jamshedpur FC
Mark Zothanpuia, Defender
Lalhriatpuia Chawngthu, Midfielder
Mumbai City FC
Hmingthanmawia Ralte, Defender
Lalnuntluanga, Midfielder
Zothanpuia, Midfielder
Lallianzuala Chhangte, Forward
Northeast United FC
Fredy Chawngthansanga, Midfielder
Lalbiakdika, Forward
Lalrinzuala, Forward
Odisha FC
Vanlalzuidika, Defender
Lalrinfela, Midfielder
Isak Vanlalruatfela, Midfielder
Lalthathanga Khawlhring, Midfielder