Aizawl: MNF party chuan Thawhtanni khan Vana Pa Hall, Aizawlah Aizawl Municipal Corporator (AMC) thlanna neih tura an party candidate turte an puang.
Candidate puan inkhawm hi party treasurer, AMC Campaign Committee chairman ni bawk, Lalruatkima chuan kaihhruaiin Dr R Lalthangliana, Sr. Vice President-in candidate-te tawngtaisakna hun a hmang.
Party President Zoramthanga chuan AMC bial 19-a an party candidate turte a puang a, an ward theuh mipuite an vote hlan theuh turin a ngen a. “Pathian leh mipui zarah hnehna kan chan ngei ka beisei a ni,” a ti.
An candidate puan chhuah takte chu chhuanawm sawiin, “MNF candidate kan puan tawh zawng zawngah a chhuanawm ber pawl an la ni tlangin ka hria. An chanchin kan ngaithlak khan an chhuanawm zia a lang chiang hle,” a ti bawk.
AMC inthlan turah hian ZPM leh Congress pawhin an candidate tur an lo puang tawh a, ward tina ding tur erawh an la puang kim lo ve ve thung.
- MNF AMC Candidate-te
Ward No. I – CL Biakhlua, Durtlang.
Ward No. II – K Lalnunpuii, Bawngkawn
Ward No. III – K Romawia, Ramhlun North
Ward No. IV – R Lalnunthari (Nunui Rualhleng)
Ward No. V – Dr Abisak Vantluangpuii Ralte, Chanmari
Ward No. VI – Lalhmangaiha Renthlei, Hunthar
Ward No. VII – Vanlalneiha, Zembawk
Ward No. VIII – Lalbiakthuama, Armed Veng South
Ward No. IX – B Lalawmpuii, Chhinga Veng
Ward No. X – Lalrinmawia Sailo, Zonuam
Ward No. XI – Varthannguri Sailo, Chawlhhmun
Ward No. XII – C Vanlalchanchinmawii, Dinthar
Ward No. XIII – Lalfakzuala Chenkual, Vaivakawn
Ward No. XIV – Hmingthansanga, Khatla
Ward No. XV – Lalrinsanga, Maubawk
Ward No. XVI – Vanlalhmachhuana, Bethlehem Vengthlang
Ward No. XVII – C Rosangpuii, Republic
Ward No. XVIII – Lalrina Renthlei, Tuikhuahtlang
Ward No. XIX – Steven Lalhriatpuia, Kulikawn