Aizawl: Mizoram Pradesh Congress Commitee President Lal Thanzara chuan Prime Minister Narendra Modi hnenah ni 100 inhlawhna tia hriat lar, Mahatma Gandhu National Rural Employment Guarantee Act (MGNREGA) chu kalpui leh tura ngenna a thlen.
Modi-a hnena lehkha a thawnah hian Mizoram Congress chief hian MGNREGA kha thingtlang mite tan an khawsak chawikanna leh Indian chhungkaw vaibelchhe telte hna siamsaktu a nih thu a sawi.
MGNREGA-ah kha chuan sorkar laipuiin inhlawhna hlawh a tum vek thin a, G-RAM-G-ah erawh hi chuan state tenau, Mizoram ang pawhin 10% an tum ve a ngai dawn a. “Kan ram sum leh pai dinhmun leh kan revenue en hi chuan G-RAM-G-a 10% tum hi chu thil awlsam lo tak a ni a. Hun a lo kal zel ang a, kan ramah kan hman theih loh thuai a rinawm a ni,” a ti.
Hetiang thleng thei hi a ngaihtuah hnuah MGNREGA chu a ngai bawka kalpui leh turin Lal Thanzara chuan prime minister hnenah lehkha a thawn a ni.