Aizawl: ZPM kaihhruai sorkar chu anmahni intiam ang ngeia kalphung thara kal turin AAP Mizoramin an phut tih an sawi.
Thawhlehnia Aizawl Press Club-a thuthar lakhawmtute an kawmnaah sorkar hmasa atang tawh a chin than, party mi leh sa duhsakna uchuak chhawmnung tawh lo turin an ngen tak meuh meuh tih an sawi.
Board hrang hrang chairman atana party hruaitute ruat leh hamthatna pek leh a kaihhnawih avanga sorkar sum luangral thinin ram hmasawnna a thlen lo va, kum hnih chhung an kalpui chu duhtawka a rang thei ang bera board chairman-te hi bân turin an phut a, sorkar hnathawk mi thiam dah zawk tur emaw, thalai hna nei lo emaw merit list-a dah zawk turin an ngen.
Mizoram history-a adviser mamawh hnem ber chief minister pawh kum hnih chhung advise a dawn tawh hi ram leh hnam tan finna khawp a dawng tawh turah an ngai tih an sawi.