Aizawl Municipal Corporator (AMC) inthlan a hnai zel a, a hun leh ni tur puan la ni lo mahse political party hrang hrangte an inbuatsaih chho tan.
Mizoram Pradesh Congress Committee (MPCC) leh Zoram Peoples Movement (ZPM) te chuan an candidate tur thenkhat lo puang tawhin, an la puang kim lo thung a, Mizo National Front (MNF) erawhin an puang kim tawh niin an sawi.
Party dangin din an tum em tih a la hriat loh a, tuna a lan danah hi chuan kil thum atangin AMC hi chuh a ni dawn a, eng party berin nge sorkarna siam thei ta ang tih chu hunin a la hril ang chu.
Party hrang hrangte hian auhla hrang hrang neiin, an tlin theih nan theihtawp an chhuah tan hlawm a, hemi hun chhung hian mipui lam pawhin duhthlanna leh thutlukna dik kan lo siam hman pawh a tul hle.
Inchirhthehna uchuak tak tak lak atanga kan fihlim a tul a, thianghlim leh felfai taka campaign pawh a tul hle. Chuti a nih loh chuan kan campaign-na ber mipui lamin min ring lo anga, vote thlak hunah kan dinhmun a sang lo ang tih a hlauhawm bakah, mi rin kan hlawh lovang tih i hre kar bawk ang u.