- Dr. J.T. Vanlalngheta, Advocate
February 20, 1987-ah Mizoram leh Arunachal Pradesh chu U.T. nihna aṭangin a rualin State an ni ve ve a; Mizoram chu State 23-na a niin, Arunachal Pradesh chu State 24-na a ni thung.
Nikum leh kumin chhung hian thil pawimawh tiin Arunachal Pradesh State-ah ṭum 2 ka zin a, nuam ka tiin a mi chengte pawh fel ka ti hle. Arunachal Pradesh kan tluk lohna point lian tak ka hmuh chu:
- Kawl-phe-tha (Power) kan neih let aia tam an nei (A=783.88mw vs M=266.31mw).
- An hmun ṭha ṭha khu Sorkar ram/hmun a ni; Sawrkarin an hmun ṭha ṭha khu an chang ṭhin tihna a ni.
Kan ramah erawh chuan politician tam berte hian hetiang rilru hi an pu phâk lo a ni maithei; chuti chung chuan ram hmangaih ber ni âwm takin kan la inchal emaw a ni si. STATE kan nih tirh February 20, 1987-a Sawrkar ram ni thin, tunah, i.e.2026 January thla hian eng zat nge Sawrkarin a hloh tawh? Ram siam ṭhat nan hian mipui hian mawh phurhna kan nei ve tho nain, thu neihna danin a thuam, legal-rational authority nei RORELTUTE/POLITICIAN-TE mawhphurhna hi a sáng fé zâwk a, politician-ten ram leh hnam an hmangaih loh chuan, an khua leh tuite tan tih ngaihna a awm lo va, ram leh hnam a boral ṭhin a ni; inen lêt kan ngai.