Katy Perry leh Justin Trudeau te inkar chu a nghet chho zel a, chawlh hlimawm an hmanna hrang hrang hmuh tur a awm leh ta.
Katy Perry chuan vur hmuna an awm dun lai thlalak hrang hrang rawn tarlangin, hlim takin v-day chhehvel an hmang tih a lang a, a caption dahah pawh an inhmangaihna chu ngheh zual zel se a duhna lam a tam hle.
Anni pahnih hi kawppuite then tawh ve ve an ni a, nikum July thla atang khan inhre tanin, an inkarah hmangaihna a piang zui thuai a, pop star hian December thla khan Canada prime minister hlui nen hian an inkawp nghet thu a rawn puang zui a ni.
An thu tarlan leh thlalak vel atanga a lan danin valentines day chhehvel bawrah khan Japan lamah an awm niin a lang a, Tokyo chunga an lawmthu leh an hun hman nuam an tih dun thu hmuh tur a awm nual bawk a ni.
Tarlan tawh thin angin Canada PM hlui Trudeau hi a nupui Sophie Gregoire nen kum 18 an inneih hnuah August 2023 khan an inthen a, fa pathum an nei hman.
Hetih lai hian Katy Perry pawh hi lemchan thiam Orlando Bloom nen hun rei fe an inkawp hnuah February 2019 khan innei zuiin, June 2025 khan an inthen fel a, fanu pakhat an nei hman ve bawk.