Miley Cyrus chuan Hannah Montana kum 20 puala hun hman turah inlan ngei a tum thu a sawi.
Kum 33 mi Cyrus hian Hannah Montana chhungkua zinga mi ka nih angin he hunah hian tel ngei ka tum a, zawhna hrang hrang chhang turin ka inring bawk, a ti.
March 24 hian Disney+ chuan live studio hmangin hun hman an tum thu an sawi a, Alex Cooper chuan he hun hi a host dawn nia sawi niin, Cyrus bakah hian a thian, Hannah Montana-a a chanpui thenkhatte pawh an lang dawn bawk nia sawi a ni.
Kum 20 chuang liam tawh mahse, mi tam zawkin min hriat tanna, fan tam tak ka neihna hmun a nih avangin ka ngaihlu a, kum 20 chuang a lo vei ve tawh bawk nen, lung a leng bawk, tiin Miley chuan a sawi a, fans chunga lawmthu sawina hun tal nei tur pawhin tel ngei ka tum, a ti.
Hannah Montana hi vawiin thlengin mi tam tak ngainat leh en hlawh a la ni a, an tihchhuah atanga kum 20 a vei ve ta hial chu Miley ngei pawhin mak leh la rei lo a tih thu sawiin, special a tih thu a sawi bawk a ni.