Aizawl: Mizoram Public Service Commission (MPSC)-in Mizoram Civil Services (combined competitive) examination – 2025 final result, February 9-a a tihchhuahah candidate pakhat technical ground-a tling lo hmuhchhuah a nih thu leh result ennawn a nih tur thu a puan hnuin Thawhlehni khan result siam that a tichhuak.
MPSC-in examination final result siam thatah hian tihchhuaha 13-na, MCS-a tling, Samuel Chinsonmung, Vengnuam, New Lamka, Manipur chu paih a ni.
Result hluia 14-na nia MCS atana tling chu 13-naah chhovin MCS atana tling tho, 15-na chu 14-na ah a chho a. MFAS atana tling 16-na Z. Lalnghaktluanga, Zotlang, Aizawl chu result tharah hian 15-naah chhovin MCS atan a tling thar bawk a. 21-na, MIS atana tling, GS Zoremtluangi, Electric veng, Khawzawl chu 20-naah chhovin MFAS atan a tling ta thung bawk.
Result hluia panel list-a mark hmu sang ber, MIS panel list-a 1-na, Lalremsiami, Armed Veng, Aizawl chu 29-na niin MIS-ah a tling a ni.