UEFA Nations League group hrang hrang an siam fel tawh a, hetah hian European champion Spain chu England leh Croatia te nen an awm a. Cristiano Ronaldo telna, champion lai, Portugal chu Erling Haaland te ram, Norway nen an awm dun a ni.
FIFA ranking thar bera No. 1 Spain leh No. 4 England te chu group pakhatah an awm dun a, anni hi Euro 2024 final-ah pawh an lo inkhel tawh a, Spain hi an chak ta zawk a, England hian phuba lak theihna hun tha an nei dawn a. World Cup hnuhnung pahniha semi final lut ve ve thei, Croatia pawh an group-ah hian an awm.
Nations League champion lai Portugal chu tunlaia striker hlauhawm ber pawl tia sawi, Haaland te ram nen an awm dun a, anni bakah hian Denmark leh Wales te pawh an awm bawk.
France, Italy, Belgium leh Turkey te chu Group A1-ah an awm a, anni hi a tha ber leh a chhe ber sawi thiam harsa tak mai an ni a. Group A2-ah Germany, Netherlands, Serbia leh Greece an awm bawk a, anni pawh hi tlang chho zel tur rin thiam a harsa hle.
Group phase chu September atanga November chhungin an khel ang a, League A group hrang hranga sang pahnih chu quarter final khel turin an tling ang a, March, 2027-ah quarter final hi an khel ang a, June thlaah final an khel ang.
League A
Group A1: France, Italy, Belgium, Turkey
Group A2: Germany, Netherlands, Serbia, Greece
Group A3: Spain, Croatia, England, Czech Republic
Group A4: Portugal, Denmark, Norway, Wales
League B
Group B1: Scotland, Switzerland, Slovenia, North Macedonia?
Group B2: Hungary, Ukraine, Georgia, Northern Ireland
Group B3: Israel, Austria, Ireland, Kosovo
Group B4: Poland, Bosnia and Herzegovina, Romania, Sweden
League C
Group C1: Albania, Finland, Belarus, San Marino
Group C2: Montenegro, Armenia, Cyprus, Latvia/Gibraltar
Group C3: Kazakhstan, Slovakia, Faroe Islands, Moldova
Group C4: Iceland, Bulgaria, Estonia, Luxembourg/Malta
League D
Group D1: Latvia/Gibraltar, Luxembourg/Malta, Andorra
Group D2: Lithuania, Azerbaijan, Liechtenstein