Aizawl : Saitualin KTP General Conference a tum 4-na atana thleng turin an inbuatsaih mek.
February ni 26, 2026 atanga March ni 1, 2026 chhunga neih tur, KTP General Conference vawi 61-na Saitual Pastor Bial leh Saitual Chhimveng Bialten an inthlen tawm turah inbuatsaihna ngawrh takin kalpui zel a ni a, tunah hian hnathawh tur zualpui thawh zawh tawh niin khawtlang mipuite pawh mikhual thleng turin an inpeih tawh.
Pandal hi kum danga la tih ngai loh angin Mark Advertising-in an sa a, pandal hi a dung feet 250, a vang feet 180 a zau niin, thutna hi mi 15,000 vel leng thei tura ruahman a ni a, a chheh vel hmun eng emaw zat chu inkhawm chhim theih tura ruahman a ni.
Pandal sak hnatlang hi Inrinni thlengin tum 28 koh tawh a ni a, chhiar hleih theih loh sub-committe peng hrang hrang hnatlang chhun leh zanah a awm reng bawk.
Hnatlangah hian tualchhung mite bakah khaw thenawmte an thawk chhuak thin a, tha bakah sum fai tanpuina eng emaw zat khaw thenawm leh kohhran hrang hrang atanga an dawn avang te, Chaltlang Branch-in inkhawmpui stage banner a thlawn liau liauva an siam sak avangin Org. Committee chuan lawmthu an sawi.
Saitual hian KTP General Conference hi vawi thum — kum 1966, 1976 leh 1992-ahte an lo thleng tawh a, kumin hi vawi li an thlenna tur a ni.