Aizawl : Central YMA chuan Zofate inlungrualna tichhe thei chibil zawnga hmalak bikna hrang hrangte sorkar, kohhran leh pawl hrang hrangte’n ti lo turin an ngen.
October ni 21-23, 2026 chhunga Sakawrdaia YMA Inkhawmpui Lian vawi 75-na neih thurel, YMA Khawih No.5-na ‘Zohnahthlak chi peng hrang hrang Mizoram a chengte zingah, chi bil hmalakna a awm tawh loh nan Central YMA in hma la rawh se’ tih chungchangah Central YMA chuan thuchhuah siamin, Mizoram hi Zofate inlungrual tak leh inrem taka an chenhona anih avangin, Mizo hnam inlungrualna tichhe thei chibil zawnga hmalakna te, chibil hamthatna tur leh dawmkanna tur zawnga hmalak bikna hrang hrangte hi sorkar, kohhran leh pawl hrang hrang ten ti lo turin an ngen.
Central YMA chuan, “Mizote hi hnam tlem te kan nih avangin hnam pual bila thiltih hrang hrangte hian Mizo hnam inpumkhatna a tichhe thei tih hria a, hnam pumpui thatna tur chauha ngaihtuahna seng tlang turin kan inngen a ni,” an ti.