Zaithiam kan hriat lar, Rosy K Remsangpuii pawhin pasal a nei dawn tih a chiang ta e.
Youth Icon judge Rosy K Remsangpuii hian amah duhthu mipa tam tak zingah Durtlang tlangval, C Lalrammawia pasal atan a thlang chat a ni.
C Lalrammawia nen hian Rosy te hi March ni 10, 2026, chhun dar 1-ah Durtlang Presbyterian Kohhran Biak inah nupa ni turin Pathian leh a Kohhran hmaah ‘…a nuamah leh, a hrehawmah pawh…’ tiin tiam tlat e an ti dawn a ni.
Rosy K Remsangpuii hian kum danga a la tih ngai zen zen loh chu kumin Valentine’s Day khan a inpho lang ve tlat. A bialpa nena an thlalak dunna chu a Instagram account-ah a post a. Mahse, a thlalak pho chhuahah erawh an hmel a hmuh fiah theih loh thung. Chutah chuan, “Lord, i pray for a love story that will give you glory,” tiin caption a ziak a, love leh prayer anga hman tlanglawn emoji a dah tel bawk.